➡ Top 8 bài thơ tiếng Mông hay của nhà thơ Lâu Văn Mua

Trong chuyên mục 'Vườn thơ' đăng bởi Lauvanmua, 12/3/2019. — 6.075 Lượt xem

  1. Lauvanmua

    Lauvanmua Thành viên mới

    ➡ Top 8 bài thơ tiếng Mông hay của nhà thơ Lâu Văn Mua

    ♐ Kaj Ntuj Ntxhoo

    FB_IMG_1526599824187.

    Kaj ntuj ntxhoo---------- nas noog pib quaj
    Hnub tawm tuaj----------ci vug tim roob
    Nco nkauj hmoob----------lub siab quaj dhi
    Ncaim ntau hli---------- koj dua twg lawm
    Nco nco tawm----------plaws lub kua muag
    Kuv xav tuag----------thaum nco txog koj
    Saib mi nroj----------mi tsuag txawv txhua
    Tsa suab nqua----------tsis hnov koj teb
    Mus nyob deb----------rau sab ntuj twg
    Mi paj lwg---------- tus neeg kuv hlub
    Nco thaum ub----------wb nyob ua ke
    Tsawg txoj ke----------los wb mus taug
    Muaj ntau zaug----------kuv tseem npau suav
    Pom koj tuav---------- rawv kuv txhais tes
    Tsim dheev ces---------- kua muag poob nthav
    Yeej tsis xav----------nyob ua neeg li
    Siab quaj dhi----------mov tsis xav noj
    Haus dej zoj----------los tsis poob plab
    Xav ua dab----------poj ntxoog mus nrhiav
    Tshuav txoj siav----------tseem tsis tau tu
    Nco lub plhu----------dawb mos nyuj nyoos
    Ua yog toog----------pom koj tag li
    Hai lu ntxhi----------tuj taws ib sab
    Tsawv nkaus npab----------los tsis hnov nphav
    Siab poob nthav----------tsim dheev los quaj
    Mus muab tshuaj----------noj los tsis quag
    Muab cawv haus----------los tsis hnov huam
    Me leej muam----------tus neeg kuv nco
    Es ziag no----------koj nyob li cas
    Muab hai mas----------ntxim tu siab heev
    Ntshe yuav teev----------tsis tau kua muag
    Ntshe yog luag----------tus lawm xwb lauj
    Sim nkauj nraug----------daj dee tsis tau
    Ces yuav dhau----------mus tag sim neej
    Ntshe yuav pheej----------niaj hnub seev txog
    Tus nkauj rog----------thiab npliag tsis qhuav
    Ntshe yuav tuav----------rawv koj daim duab
    Tsis hnov suab----------los tsuav yog pom
    Muab los tsom----------koj tus leg plhu
    Ntshe yuav tu---------- tu kuv siab li os hmoob.


    ♐ Koj Pua Tseem Nco

    WipeOut25_27_2019_032527.824000.

    Tus kuv hlub----------thiab tus kuv nco
    Es ziag no----------hauv koj lub siab
    Muaj tus tshiab----------lawm los tsis tau
    Sij hawm dhau----------los lawm ntev ntev
    Wb txoj kev----------koj pua tseem taug
    Kev nkauj nraug----------yav ntuj thaum ub
    Txoj kev hlub----------koj pua tseem khaws
    Lub cub tawg----------koj pua tseem ntsaub
    Qhia kuv paub----------yog koj tseem muaj
    Kuv ua tshuaj----------nyob hauv koj siab
    Thaum hli xiab----------koj pua xav txog
    Thaum kuv nrog----------koj wb ua ke
    Kuv lub npe----------koj hai tsis dhuav
    Wb sib tuav----------tes ua ke nraim
    Koj tau ncaim----------kuv lawm ntaus hnub
    Hmoob leej tub----------tseem nco ntsoov cia
    Tseg txoj sia----------tos koj xwb mog
    Tseem nco txog----------tej lus qab zib
    Nej hnub qhib----------qhov rooj nyob xauj
    Tus hluas nkauj----------kuv ib txwm tseem ntseeg
    Nyob ua neeg----------lub neej tiam no
    Yuav thov nco----------koj mus tsis ploj.


    ♐ Nplooj Zeeg

    lá-rơi-600x400.

    Nplooj zeeg tag----------hav zoov kaj niab
    Kho lub siab----------lub plawv quaj dhi
    Duab tshav ci----------noog yas npoj ntws
    Mob lub ntsws----------nco dheev txog koj
    Ntsia tim toj----------cua tuaj laim txias
    Xav zoj tia----------koj dua twg lawm
    Nco sij hawm----------yav ntuj thaum ntxov
    Lub siab sov----------thaum kuv puag koj
    Wb tham zoj----------tsis muaj peb suab
    Qab ntuj ntsuab----------poj kev kaj nrig
    Tsis nco dig----------txoj kev nyuaj siab
    Hmo hli xiab----------wb zaum ua ke
    Nyob ze ze----------koj khawm kuv npab
    Es kuv xyab----------tes khawm koj duav
    Ua npau suav----------rov qab mus txog
    Nco tag zog----------lub siab tsis kaj
    Nco koj tshaj----------na kuv me hmoob
    Xav tsis thoob----------kuv txog kev nco
    Lub neej no----------ntshe yuav pos huab
    Tshuav daim duab----------rau kuv puag pw
    Wb txoj lw----------nphob lawm zuj zus
    Wb los lu----------ces nphob xuj xuav
    Ntshe plam plhuav----------kuv ib nplooj siab
    Coj mus ziab----------yuav tsis qhuav dej.


    ♐ Nkauj Kev Deb Nraug Kev Dav

    FB_IMG_1557320094464.

    Ntuj yuas hmoob----------tus me hluas nkauj
    Cas nim paub----------tau koj nyob deb
    Leeg rooj teb----------txawv zej txawv zos
    Hlub koj los----------nyob deb ua luaj
    Ntshe yuav tuaj----------tsis tau li xav
    Vim roob hav----------quas leeg nyob qho
    Txawm yuav nco----------koj npaum twg los
    Tsis koom zos----------ces kev hlub nyuaj
    Ntshe twb muaj----------tus hlub 1 sab
    Tuav koj npab----------pw koj xub ntiag
    Qawm luj lias----------lawm ntuj tag hmo
    Muaj tus nco----------nyob tuaj nruab siab
    Nkauj nraug tshiab----------zoo li wb no
    Leeg nyob qho---------ntshe yuav tsis tseeb
    Nkauj xab yeeb----------thiab nraug xab xaws
    Kawg muab khaws----------cia 6 nruab siab
    Cia tiam tshiab----------seb puas muaj dua
    Mam thawj ua----------nkauj nraug koom zos
    Thiaj tau los----------pw koj xub ntiag
    Lawm xwb tiag-----------os hmoob tus hlub
    Ntuj tsis pub----------wb ntawv txij nkawm
    Ntuj tsis sawm----------wb kev nkauj nraug
    Thiaj tsis tau----------koom zej koom zos
    Hlub koj los----------nyob deb luaj no
    Txawm nco nco----------lub plawv yuav nres
    Los cev tes----------twb tsis cuag koj
    Nkauj dua toj----------thiab nraug dua kev
    Hlub tsis ntev----------ntshe kawg tso cia
    Tsam mob ntxhia-----------nyob tuaj nruab siab
    Xws tshuaj iab----------lom tuaj nruab plawv
    Ntuj yuav lawv----------tus me neeg zoo
    Tsis muaj hmoo----------tau nyob sib ze
    Sib tuav tes----------tham luag ntxhwb ntxhi
    Mus ua si----------nce toj nqis hav
    Taug kev tav----------nce toj nqis taug
    Kev nkauj nraug----------zoo li wb no
    Ntshe tsuas yog----------hlub ua chaw tshua
    Nkauj yas ncua----------thiab nraug yas kab
    Puas muaj fab----------rov 6 tiam 2
    Puas tau nyob----------pw koj txhais npab
    Nkauj yas kab----------thiab nraug yas ncua
    Tsuas hlub ua----------lub chaws khuam siab
    Lawm xwb tiag----------nas nkauj hmoob es!


    ♐ Poj Niam Hnub (Women's Day)

    huong-dan-cach-cam-hoa-va-thuyet-trinh-cam-hoa-ngay-2010_1412824312_3.

    Poj niam hnub----------twb los txog lawm
    Kuv thov hawm----------poj niam txhua tus
    Txij no mus----------thov kom nyob zoo
    Tsis txhob nroo----------mob plab dias hau
    Thov kom tau----------txhua yam li xav
    Muaj zog nchav----------nce toj nqes taug
    Thov txhob raug----------teeb meem txhua yam
    Thov ntuj sam----------koob hmoov pub nej
    Yam tus dej----------ntws tsis txawj tu
    Me plaj plhu----------kom nyob tshiab khiv
    Kev niam txiv----------thiab tus nej hlub
    Tsis txob dub----------thov kom dawb huv
    Huv li txhuv----------thiab ntshiab li dej
    Yav tom ntej----------kom muaj sia ntev
    Nrog nej tsev----------neeg txhua txhia tus
    Hnub no mus----------kaj ntug tag kis
    Thov kom ntsib----------txoj kev hlub tiag
    Thov ntsib kiag----------tus uas hlub tseeb
    Kev thaj yeeb----------los thov kom ntsib
    Tus hlub ib----------los thov kom tau
    Kev phem sau---------pov lawm zaj qho
    Txij hnub no----------mus 6 tag kis
    Luag ntxhwb ntxhi----------nrog rau tsev neeg
    Cov mus ntseeg----------thiab cov teev dab
    Thov noj qab----------haus huv txhua tus
    Sib hlub mus----------tsis tag tsis kawg
    Kev sib tawg----------thiab kev sib tso
    Txhob ntsib hlo----------mog tsoom poj niam
    Txoj kev liam----------kev phem kev qias
    Muab yuj lias----------pov rau dej tshoob
    Kom mus poob----------lawm puag zaj chaw
    Txoj kev ntshaw----------thov kom muaj tseeb
    Kev thaj yeeb-----------nyab xeeb ywj pheej
    Txhua txhia leej----------tau txais huv si
    Luag ntxhwb ntxhi----------txais poj niam hnub
    Kev sib hlub----------thov kom huam vam
    Zoo ib yam----------xub ntab xub muv
    Kom dawb huv----------yam teev dej lwg
    Mus txog twg----------kom luag ntxhwb ntxhi
    Zoo tam li----------tus me duab tshav
    Luag nyuj nyav----------txhua lub sij hawm
    Me nkauj ntxawm----------tus neeg siab dawb
    Tus ntxim tawb----------ntxim hlub ntxim hnia
    Tus kab lia----------tom txig li nkawv
    Zoo raug plawv----------raug siab raug ntsws
    Thov kom nws----------nyob kaj siab lug
    Nrog tus hlub----------rau hnub tim 8
    Lub 3 hlis----------poj niam ntiaj teb
    Nej thiab peb----------thov kom sib hlub
    Mus txog hnub----------av luaj quas mog!


    ♐ Txiv Siab Dub Nrauj Tag Peb Pab Niam Tub

    WipeOut19_03_2019_091923.147000.

    Kuv txiv as----------koj puas tseem nco
    Ntawm no yog----------koj ib leej tub
    Koj tsis hlub----------muab tso pov tseg
    Koj ntiag tes---------- plam plaws mus lawm
    Koj nim tawm----------kiag ntawm kuv niam
    Lub neej piam----------los koj tsis kho
    Koj nim tso----------peb cov niam tub
    Ntshaw kev hlub----------lub siab lwj tag
    Koj nrauj tag----------peb cov niam tub
    Koj tsis hlub----------tsis quav ntsej txog
    Niaj hnub hmo----------niam poob kua muag
    Lub suab luag----------twb ploj mus lawm
    Thaum koj tawm----------los txog hnub no
    Koj tsis nco----------tsis txhawj txog peb
    Koj yug peb----------koj hlub tsis tau
    Koj yug tau----------koj hlub tsis txog
    Twb vim yog----------muaj kuv niam nyob
    Peb thiaj hlob----------tiav nkauj tiav txiv
    Kuv niam tiv----------txhua yam teeb meem
    Los luag tseem----------saib tsis taus peb
    Kuv niam peb----------nyob txom nyem ntsuav
    Cas koj yuav----------ua lub siab phem
    Koj tsis lem----------tuaj saib tuaj xyuas
    Lam koj tuag----------es muaj lub ntxa
    Twb tau nqa----------tswm xyab tuaj quaj
    Ntshe quaj quaj----------twb ua ib siab
    Pib neej tshiab----------mus lawm los ma
    Kuv txiv as----------txawm koj tsis hlub
    Koj cov tub----------los kuj kav liam
    Tshuav kuv niam----------peb yeej nyob tau
    Peb mam sau----------lub siab ua neej
    Kom mus tsheej----------li luag lwm tug
    Koj txawm mus----------ploj qab ntais los
    Koj yeej yog----------peb txiv li qub.
    Vim koj pub----------txoj sia rau peb
    Vim tias peb----------xaiv yug tsis tau
    Txawm peb tau----------lub neej ntshaw txiv
    Peb mam tiv----------ua neej mus os
    Txhua yam yog-----------kev kawm kev qhia
    Kom peb ntsia----------ua peb lub neej
    Kom mus tsheej---------- ib cuab ib yig.
    Neej kaj nrig----------thiaj yog yus li.
    Txhob ua li----------kuv txiv lawm os hmoob?


    ♐ Cia Koj Khuv Xim Kuv Thiaj Muaj Nqis

    ãit.

    Me leej muam----------tus neeg kev deb
    Vim muaj face----------wb thiaj sib paub
    Wb sib paub----------li ib ob hlis
    Kuv tus plig----------nyob ntawm koj tag
    Koj tso dag----------tias koj nyiam kuv
    Txawm tias kuv----------yuav zoo li cas
    Koj nyiam tag----------tsi xyeej ib qho
    Kuv sau hlo----------kuv lub siab hlub
    Coj los pub----------rau koj tag nrho
    Xav tsis txog----------tias yuav raug dag
    Yuav ua cas----------thaum zoo li no
    Raug koj tso----------khiav mus hlub luag
    Poob kua muag----------los koj tsi ntsia
    Kuv txoj sia----------txawm tias yuav tu
    Los koj mus----------tsi quav ntsej li
    Koj luag ntxhi----------mus nrog lwm tug
    Koj hais lus----------saib tsis taus kuv
    Koj ntsia kuv----------no tsis muaj nqis
    Kuv mam tig----------ntsia koj lub neej
    Seb puas tsheej----------puas zoo li xav
    Ua cas nav----------hnub no koj ho
    Tias nco nco----------thiab khuv khuv xim
    Pus yog tim----------lawv tsis hlub koj
    Los yog koj----------lub neej tsi zoo
    Niaj ntau xyoo----------koj mam xav tau
    Ces lig dhau----------rau koj lawm os
    Txhob rov los----------kuv tsis hlub lawm.
    Koj twb tawm----------ntawv kuv mus ntev
    Tsis tshuav kev-----------rau koj rov los
    Koj tsis yog----------tus kuv xav tau
    Txij li thaum----------koj tso kuv mus
    Nrog ib tug----------uas koj tias zoo
    Hnub no zoo----------los yog hnub phem
    Cas koj lem----------los khuv xim kuv
    Koj tias kuv----------thiaj hlub koj tshaj
    Zoo lawm maj----------nyuam qhuav ntxim xwb
    Ntawm koj wb----------twb tag hnub ntawv
    Hnub koj sawv----------tso kiag kuv mus
    Mam ua tus----------rau koj khuv xim
    Es thiaj phim----------thiab thiaj txim nyog
    Txawm tsis yog---------- tus koj xaiv los
    Twb tau yog----------tug koj khuv xim
    Nws thiaj phim----------qhov koj siab dub os nkauj Hmoob aw.


    ♐ Kob Nag Tu Moo

    FB_IMG_1563685597559.

    Hnub ua lub----------ntuj no los nag
    Koj twb tag----------kev hlub lawm tiag
    Koj cia ciag----------kuv nyob ib leeg
    Koj tsis lees----------kuv yog tus hlub
    Koj tsis hlub----------thiaj tso kuv cia
    Mus tsis ntshia----------tig rov los saib
    Kuv ces laib----------lub me kua muag
    Nyob ua ntsuag----------no li no cia
    Xav tias cia----------tos koj siab txias
    Mam tuaj ntxias----------thov koj rov los
    Kuv nim tos----------koj tau ntau xyoo
    Hnov lub moo----------koj muaj hluas nraug
    Hnub no laus----------plam koj lawm tiag
    Mob kawg kiag----------hauv kuv lub ntsws
    Puas muaj twg----------zoo li kuv thiab
    Thaum tshiab tshiab----------mas sib hlub kawg.
    Nim sib raws----------rau txhua txhia qhov
    Xav ntshe sov----------es yuav tsis txias
    Cas ib pliag----------twb tu moo lawm tiag os
    Hmoob aw....

    Tu sau: Muas Lauj

     




  2. Lauvanmua

    Lauvanmua Thành viên mới

    Tham gia:
    11/3/2019
    Bài viết:
    6
    Lượt thích:
    0
    Kinh nghiệm:
    1
    IMG_20190713_122203_922.
    NHÀ THƠ LÂU VĂN MUA
     
Đang tải...

Chia sẻ cùng bạn bè

Đang tải...
TOP