Chùm thơ của Lâu Văn Mua (Tiếng H'Mông)

Trong chuyên mục 'Vườn thơ' đăng bởi Lauvanmua, 12/3/2019. — 4.141 Lượt xem

  1. Lauvanmua

    Lauvanmua Thành viên mới

    Chùm thơ của Lâu Văn Mua (Tiếng H'Mông)

    FB_IMG_1526599824187.

    ♐ Kaj Ntuj Ntxhoo

    Kaj ntuj ntxhoo nas noog pib quaj
    Hnub tawm tuaj ci vug tim roob
    Nco nkauj hmoob lub siab quaj dhi
    Ncaim ntau hli koj dua twg lawm
    Nco nco tawm plaws lub kua muag
    Kuv xav tuag thaum nco txog koj
    Saib mi nroj mi tsuag txawv txhua
    Tsa suab nqua tsis hnov koj teb
    Mus nyob deb rau sab ntuj twg
    Mi paj lwg tus neeg kuv hlub
    Nco thaum ub wb nyob ua ke
    Tsawg txoj ke los wb mus taug
    Muaj ntau zaug kuv tseem npau suav
    Pom koj tuav rawv kuv txhais tes
    Tsim dheev ces kua muag poob nthav
    Yeej tsis xav nyob ua neeg li
    Siab quaj dhi mov tsis xav noj
    Haus dej zoj los tsis poob plab
    Xav ua dab poj ntxoog mus nrhiav
    Tshuav txoj siav tseem tsis tau tu
    Nco lub plhu dawb mos nyuj nyoos
    Ua yog toog pom koj tag li
    Hai lu ntxhi tuj taws ib sab
    Tsawv nkaus npab los tsis hnov nphav
    Siab poob nthav tsim dheev los quaj
    Mus muab tshuaj noj los tsis quag
    Muab cawv haus los tsis hnov huam
    Me leej muam tus neeg kuv nco
    Es ziag no koj nyob li cas
    Muab hai mas ntxim tu siab heev
    Ntshe yuav teev tsis tau kua muag
    Ntshe yog luag tus lawm xwb lauj
    Sim nkauj nraug daj dee tsis tau
    Ces yuav dhau mus tag sim neej
    Ntshe yuav pheej niaj hnub seev txog
    Tus nkauj rog thiab npliag tsis qhuav
    Ntshe yuav tuav rawv koj daim duab
    Tsis hnov suab los tsuav yog pom
    Muab los tsom koj tus leg plhu
    Ntshe yuav tu tu kuv siab li os hmoob.



    ♐ Koj Pua Tseem Nco

    Tus kuv hlub thiab tus kuv nco
    Es ziag no hauv koj lub siab
    Muaj tus tshiab lawm los tsis tau
    Sij hawm dhau los lawm ntev ntev
    Wb txoj kev koj pua tseem taug
    Kev nkauj nraug yav ntuj thaum ub
    Txoj kev hlub koj pua tseem khaws
    Lub cub tawg koj pua tseem ntsaub
    Qhia kuv paub yog koj tseem muaj
    Kuv ua tshuaj nyob hauv koj siab
    Thaum hli xiab koj pua xav txog
    Thaum kuv nrog koj wb ua ke
    Kuv lub npe koj hai tsis dhuav
    Wb sib tuav tes ua ke nraim
    Koj tau ncaim kuv lawm ntaus hnub
    Hmoob leej tub tseem nco ntsoov cia
    Tseg txoj sia tos koj xwb mog
    Tseem nco txog tej lus qab zib
    Nej hnub qhib qhov rooj nyob xauj
    Tus hluas nkauj kuv ib txwm tseem ntseeg
    Nyob ua neeg lub neej tiam no
    Yuav thov nco koj mus tsis ploj.


    ♐ Nplooj Zeeg

    Nplooj zeeg tag hav zoov kaj niab
    Kho lub siab lub plawv quaj dhi
    Duab tshav ci noog yas npoj ntws
    Mob lub ntsws nco dheev txog koj
    Ntsia tim toj cua tuaj laim txias
    Xav zoj tia koj dua twg lawm
    Nco sij hawm yav ntuj thaum ntxov
    Lub siab sov thaum kuv puag koj
    Wb tham zoj tsis muaj peb suab
    Qab ntuj ntsuab poj kev kaj nrig
    Tsis nco dig txoj kev nyuaj siab
    Hmo hli xiab wb zaum ua ke
    Nyob ze ze koj khawm kuv npab
    Es kuv xyab tes khawm koj duav
    Ua npau suav rov qab mus txog
    Nco tag zog lub siab tsis kaj
    Nco koj tshaj na kuv me hmoob
    Xav tsis thoob kuv txog kev nco
    Lub neej no ntshe yuav pos huab
    Tshuav daim duab rau kuv puag pw
    Wb txoj lw nphob lawm zuj zus
    Wb los lu ces nphob xuj xuav
    Ntshe plam plhuav kuv ib nplooj siab
    Coj mus ziab yuav tsis qhuav dej.

    Muas Lauj
     




Đang tải...

Chia sẻ cùng bạn bè

Đang tải...
TOP